Јулијан ја поделил соблекувалната: Шест играчи на Баерн му го свртеле грбот на Нагелсман

Јулијан Нагелсман е веќе минато во Баерн Минхен и стана јасно дека нема да го доработи договорот во времетраење од пет години, откако клубот се реши за радикална одлука и тренерска промена додека траат репрезентативните обврски.

Последниот пораз од Баер Леверкузен ја прели чашата кај раководните луѓе како Хајнер, Кан и Салихамиџиќ, а фактот што тимот забележа само пет победи на последните десет натпревари во Бундеслигата се надоврза и со фактот што Баерн го загуби првото место на табелата.

Ова се покажа како пресудно за разделбата за која се одлучија баварците, но според медиуми, постојат и доста други важни причини за отказот кој на крајот бил неизбежен.

Угледниот „Билд“ прв ја пренесе информациајта за прекинот на соработката меѓу Нагелсман и Баерн и ангажманот на Томас Тухел, а сега истиот медиум открива дека Јулијан ја поделил соблекувалната и шест играчи му го завртеле грбот.

Брацо веќе говореше за губење на соблекувалната од страна на младиот стручњак, а според „Билд“, дури шест играчи биле крајно незадоволни од работата и методите на Нагелсман, што се покажало како голема причина плус за отказ.

„Билд“ информира дека Мануел Нојер и Свен Улрајх не комуницирале со Нагелсман откако го отпушти тренерот на голманите Тапаловиќ, а незадоволство од тренерот презентирале и Гнабри, Сане, Мусиала и Мане. Ова се шестмината кои се посочени како играчи кои посакувале заминување на Нагелсман, додека Томас Милер бил неутрален и немал ништо против тренерот кој е веќе минато.

Најголеми поддржувачи на Нагелсман биле Леон Горецка и Џошуа Кимих, а според „Билд“, на негова страна биле и Де Лихт, Упамекано и Павар.