Германската федерација отвори истрага по контроверзната изјава на Белингам

Џад Белингам подигна голема прашина со изјавата дадена по дербито меѓу Борусија Дортмунд и Баерн Минхен, кое гостите го добија со резултат 2:3.

Петтиот решавачки гол беше постигнат од пенал, но домаќините сметаат дека се оштетени од судијата Феликс Цвајер, а Германската фудбалска федерација најави истрага.

– За мене нема пенал. Хумелс не ни гледа во топката, тој се бори за позиција и топката удира во него. Може да прегледате многу одлуки од мечот, но што очекувате кога му го давате најважниот меч во Германина на судија кој има наместено натпревар, – без влакна на јазикот порача Белингем.

Федерацијата побарала писмена изјава од англискиот репрезентативец во најбрз можен рок, а откако ќе добие одговор, ќе биде донесено решение за евентуална санкција.

Во меѓувреме, спортскиот директор Михаел Цорк потенцираше дека Борусија како клуб цврсто стои зад својот фудбалер.