Ајакс го расплака Зијеш со прошталното изненадување: Се што правам е поради неа (Видео)

Хаким Зијеш нема да може достојно да се збогува од верните фанови на Ајакс поради вистинскиот хаос кој го предизвика коронавирусот, но пред се поради тоа што холандската Федерација одлучи да го суспендира првенството, без притоа да се прогласи шампион.

Мароканскиот крилен напаѓач претходно договори трансфер во Челси и веќе може комотно да се подготвува за својот престој во Лондон, но бидејќи не доби достојна шанса да му каже збогум на саканиот Ајакс, клубот од Амстердам сега му приреди едно проштално интервју кое го доведе до солзи.

Хаким се возбуди кога ги слушна пораките од своите соиграчи кои му посакаа многу среќа во новата средина, но емотивно се распрсна која порака му испрати неговата мајка.

– Таа е горда жена. Можам да видам дека е горда, иако се обидува да го прикрие тоа. Кога ќе помислам колку тежок живот имала….

– Дошла тука многу млада, порасна девет деца. Го загубила својот сопруг многу рано и оставена била самата на себе. Се што правам е за неа. Го правам ова зошто го сакам фудбалот, но се правам за неа. Ако не беше таа, ќе се збогував со фудбалот одамна, – порача расплаканиот Хаким.