Партизан потклекна во Истанбул: Од „плус 17“ до тежок пораз од Фенербахче

По 20 одиграни натпревари во Евролигата, Партизан има половичен ефект од десет победи и десет порази, а последниот неуспех пристигна вечерва на жешкото гостување во Истанбул.

Партизан извонредно го почна овој меч и беше далеку поагресивен тим на теренот, па иако втората четвртина ја стартуваше со предност од 17 поени, момците на Жељко Обрадовиќ на крајот претрпеа тежок пораз.

Убавата двоцифрена предност почна да се топи уште пред крајот на првото полувреме и Фенербахче целосно ја анулираше на крајот на третиот период, по што следеше неверојатна серија на домаќините од 24:2.

Ова беше пресудно за тежок пораз на Партизан од 91:76, по што станува јасно дека Партизан ќе води тешка битка за да се најде во плејофот во Евролигата.

Кевин Пантер со 18 поени беше најефиксен во редовите на Партизан, Нанели уфрли 14, додека најдобар играч на паркетот беше Дорси со 24 од победничкиот табор.