Медведев немаше милост кон својот најдобар пријател и се пласираше во полуфиналето на Ју-Ес Опен

Данил Медведев и Андреј Рубљов беа двајцата руски претставници во четвртфиналето на Ју-Ес Опен, а уште претходно се знаеше дека само еден ќе игра во полуфиналето.

Пресметката на двајцата најдобри пријатели се одигра во брутално тешки услови за игра и двајцата имаа физички проблеми во текот на мечот, но на крајот подобро се снајде подоброрангираниот.

Данил и Андреј страдаа со неверојатната топлина и големата влажност на „Артур Еш“, но на крајот популарниот Медо славеше во три сета и сигурно побрзо ќе заборави и на поплаките кои ги имаше за време на мечот.

Во првата фаза од мечот се играше бавен тенис и двајцата тенисери имаа проблеми со своите сервиси, а во таква ситуација, Медведев профитираше и поведе со 6:4 и 6:3.

Рубљов имаше предност од брејк во сите три сета кои ги одигра со ривалот на кој истовремено му е кум, но испушти предност во три наврати и на крајот мечот се заврши со 6:4, 6:3 и 6:4.