Ливерпул во големи проблеми, побарал одложување на натпреварот со Арсенал

Од  таборот на Ливерпул потврдија дека побарале одложување на натпреварот од полуфиналето во Лига Купот против Арсенал.

Причината за тоа е што во тимот има голем број на фудбалери со сомнителни тестови, како и голем број повредени играчи и отсустни фудбалери кои веќе се упатија на африканскиот Куп на нациите.

Токму поради овие факти денешниот тренинг на клубот бил откажан, а сега било побарано и одложување на средбата со Арсенал.

Сомнителни тестови на Ковид-19 пред неколку денови имаа АЛисон, Фирмино и Матип, додека повредени се Харви Елиот, Такуми Минамино, Дивок Ориги, Нат Филипс и Тијаго Алкантара.

Ако на овие играчи се додадат фудбалерите кои веќе заминаа на африканскиот Куп на нациите, Садио Мане, Мо Салах и Наби Кеита станува јасно дека Ливерпул има сериозни проблеми со составувањето на тимот.

Според првичните најави се очекува од ЕФЛ да им излезат во пресрет на „црвените“ од Ливерпул и да го одложат натпреварот кој треба да се одигра во четврток.