Леброн ќе направи анализа дали е време за пензија по потопот од Јокиќ и Денвер (Фото)

Леброн Џејмс не штедеше комплименти за играта на Никола Јокиќ и нагласи дека не постои играч како Србинот во НБА лигата, но покрај пофалбите за ривалот од кој загуби 4:0 во финалната серија на Западот, една реченица од неговиот прес беше причина за голем потрес во спортска Америка.

„Кралот Џејс“ ја заврши прес-конференцијата со реченицата „Ќе видиме што ќе донесе иднината, ќе мора да размислам што ќе правам со кошарката“, по што „ЕСПН“ се погрижи да добие подетален одговор со неколку кратки прашања.

Угледниот медиум ја долови конверзацијта која ја имал новинарот со најголемата ѕвезда на „езерџиите“, која најверојатно е толку повредена од тешкиот пораз, што ќе прави анализа и дали е време за пензија.

Новинар: Кога рече дека треба да размислиш за некои работи, кои заклучок треба да го извлечеме од тоа?

Леброн: Дали сакам да продолжам да играм.

Новинар: Зборуваш за следната сезона?

Леброн: Да.

Новинар: Би се повлекол?

Леброн: Мора да размислам за тоа.

LeBron James to ESPN on his thought process going into the offseason:
Q: When you say you got to think about stuff, what thread should we be pulling on that?
A: "If I want to continue to play."
Q: As in next year?
A: "Yeah."
Q: You would walk away?
A: "I got to think about it."

— Dave McMenamin (@mcten) May 23, 2023