Лазаревски го продолжи договорот со Вардар: Верувам во овој проект, овој тим допрва ќе го покаже своето вистинско лице (ФОТО)

Македонскиот репрезентативец, Милан Лазаревски ја продолжи соработката со двократниот европски шампион Вардар до  2026 година.

Лазаревски од 2022 година е дел од „црвено-црните“ со тоа што во оваа сезона ги има најдобрите партии, експлодираше на теренот и со тоа избори место и во нашата репрезентација со која што настапи на Европското првенство во Германија.

-Верувам во овој проект, во клубот во кој сум сега, и драго ми е што ќе останам и понатаму дел од Вардар. Ова е место што овозможува голема индивидуална и колективна надградба на сите играчи. Благодарен сум за довербата и вниманието што го добивам од стручниот штаб и управата на клубот. Овој тим што сега го има Вардар допрва ќе го покаже своето вистинско лице. Мое е задоволството што ќе бидат дел од таа приказна, -порача популарниот Мечка за официјалнот веб сајт на клубот.

foto:www.facebook.com/rkvardar

Кружниот напаѓач во досегашната кариера има настапувано уште за Металург и Тимо Требње во Словенија.