Фелипе Мело: Го нокаутирав Лопез во тунелот уште пред да ми каже нешто

Фелипе Мело се најде во центарот на вниманието на италијанската спортска јавност поради зборовите кои му ги посвети Џорџо Кјелини во својата автобиографија, па така Бразилецот доби шанса јавно да се истакне.

Мело доста дрско му одговори на стоперот на Јувентус, а сега во Инстаграм разговорот кој го водеше со Себастијан Фреј, откри како го нокаутирал актуелниот тренер на Бреша.

Диего Лопез долги години го носеше дресот на Калјари, па во моментите кога Мело го носел дресот на Фиорентина, во еден момент го нокаутирал во тунелот кој води кон соблекувалните.

– Се сеќвам на еден меч кој го имавме против Калјари. Диего Лопез го уништи Џилардино со еден старт, а потоа ме навредуваше мене и мојата новородена ќерка.

– Ми рече дека „ќе се видиме надвор“. Ние го добивме мечот во последната минута и се соочив со него во тунелот. Не му дадов време да зборува, веднаш го нокаутирав, – открива Бразилецот.