Бербатов не му дава шанси на Јунајтед на дербито со Челси

Димитар Бербатов се обиде да го предвиди исходот на премиерлигашкото дерби меѓу Челси и Манчестер Јунајтед, а во својата колумна не му дава шанси за успех на својот поранешен клуб.

Јунајтед гостува во Лондон во ситуација кога загуби пет од последните седум средби во Премиер лигата и по отпуштањето на менаџерот Оле Гунар Солскјер.

– Бидејќи се работи за мој поранешен клуб, тешко ми е да прогнозирам против него.

– Челси игра неверојатно последните неколку недели, а формата ја потврди и со високата победа над Јувентус. Имаат одлична серија зад себе и типувам на Челси.

– Јунајтед пак зад себе има тешка недела и гостува во Лондон во најнезгоден момент, – вели Бербатов.

Иако се очекува Јунајтед да го постави Ралф Рангник како привремен менаџер, на дербито со Челси оваа функција повторно ќе ја извршува Мајкл Карик.