Балотели за животот во карантин: Јадев картон и дел од ѕидот…

Напаѓачот на Бреша, Марио Балотели се отвори и призна дека му било исклучително тешко да ги мине деновите во карантин поради пандемијата со коронавирусот.

Италија беше една од најпогодените земји од КОВИД-19, луѓето долго беа затворени во своите домови, па супер Марио не бирал начин за да се најаде.

-Во основа јадев картон и се обидував да одгризам парчиња од ѕидот во првите три дена затоа што не знам ништо да готвам. За среќа, потоа успеав да дојдам до храна, -истакна Балотели во разговорот со Алесандро Матри.

-Ако сега ми дадете топка, нема да можам да ја исконтролирам со првиот допир. Поминаа два месеци откако имав контакт со топката. Полудев во последните недели затоа што бев тотално сам. Ќерката ми е во Неапол, синот во Цирих мајка ми е во одредена возраст и треба да биде заштитена, моите браќа се во карантин со своите деца, па затоа останав сам. Беше тешко.

-Невозможно е да тренирате правилно ако немате машина за трчање, па иако не беше дозволено, отидов во паркот близу мене да се истрчам, -рече напаѓачот на Бреша.