Баерн се договори со Сане, ама нема лесно да си подаде рака со Сити

Во текот на вчерашниот ден излезе вест дека Баерн Минхен успеал да го договори личните услови со Лерој Сане, па дека сега останува бундеслигашот само да се разбере со Манчестер Сити за трансфер обештетувањето.

Меѓутоа тоа нема воопшто нема да оди лесно и ова го најавува угледниот „Би-Би-Си“ кој секогаш има точни, прецизни инсајдерски информации. Имено премиерлигашот нема намера под цена да го даде брзоногиот напаѓач, па и ако тоа значи дека во 2021 година би можел да го загуби без пари.

„Граѓаните“ се свесни дека не можат да бараат 100 милиони фунти како што беше минатото лето, ама немаат намера ниту да го продадат за понуда од 35 милиони фунти која сега се споменуваше. Потребна ќе биде далеку поголема сума за да се уште актуелниот англиски шампион се реши да го продаде Сане кој треба да е подготвен за игра ако сезоната продолжи во Премиер лигата.

Гвардиола исклучително го цени напаѓачот, па заедно со клубот е подготвен да го задржи и наредната кампања ако Баерн во случајот не даде понуда која е на ниво на она што го сака, бара тимот од Манчестер.