Ван Дајк: Одлично заработуваме, но играме премногу натпревари

Фудбалот е најважната споредна работа на светот, спорт во кој се вртат огромни суми на пари, топ играчите се супер платени, но останува проблемиот со големиот број на натпревари.

Од сезона во сезона, од година во година се зголемуваат бројот на предизвици, мечеви, има разни натпреварување на клупски и репрезентативен план и за тоа има доста критики од тренерите, но и од играчите и се чини само прашање е на време кога вистински ќе експлодираат и ќе кажат „НЕ“ за целата оваа шема.

-Ние во Англија веруваме дека распоредот е пренатрупан. Играчите заработуваат фантастични пари, но нивното здравје не може да страда поради тоа.

-Секоја сезона сме принудени да играме се повеќе и повеќе натпревари. Ние играчите би требало да кажеме нешто за тоа и да придонесеме за решението, -порача стоперот на Ливерпул, Вирџил Ван Дајк кој со својата Холандија се подготвува за соочувањата со Франција и Грција.