Тухел ги начека експертите „на пенал“: За повеќе информации обратете се кај Матеус и Хаман

Баерн Минхен оствари импресивна победа на гостувањето кај Борусија Дортмунд и со убедлив триумф покажа дека располага со сериозен квалитет, со кој со право е прв фаворит за титулата во Бундеслигата.

Тренерот Томас Тухел е познат по тоа што не ги премолчува критиките упатени на негова и сметка на клубот, па сега реши да им возврати на легендите Лотар Матеус и Дитмар Хаман.

Изминатиот период тие испратија доста критики на сметка на Баварците, нешто што кулминираше по елиминацијата од Купот.

– За тим кој не постигнува напредок и има проблем на релација тренер-играчи, работите беа добри за нас денеска.

– За останатото, ќе дознаете од текстовите на екпертите Диди и Лотар, – рекол Тухел.

Матеус не наседнал на провокацијата, па во изјавата за „Скај“ кратко одговорил

– Секој има право на свој став и јас го претставувам мојот коректно. Ако беше сериозен со изјавата, во ред, можам да живеам со тоа, – рекол Матеус.