Три клуба од Премиер лигата со интерес за Ансу Фати

Неколку премиерлигашки клубови ја следеле ситуацијата околу младиот и талентиран фудбалер на Барселона, Ансу Фати.

Фабрицио Романо пренесува дека за услугите на играчот на Барселона се интересирале Манчестер Јунајтед, Арсенал и Ливерпул кои веќе почнале да ја следат целата ситуација.

Познатиот новинар исто така потврди дека во моментов, Баерн Минхен не се интересирал за ангажман на играчот иако дел од медиумите го посочија германскиот клуб како најсериозен кандидат за доведување на Фати.

Од Барселона наводно сакале да го задржат фудбалерот, но дали ќе притискаат за тоа ќе одлучеле во следните шест месеци, во зависност од настапите на Ансу Фати во каталонскиот клуб во преостанатиот дел од сезоната.