Стив Кер добил рекорден договор за продолжување на соработката со Голден Стејт

Стив Кер го продолжил договорот со Голден Стејт на уште две години, а тоа ќе го направи и тренер со најголема плата во НБА лигата.

Агентите на Кер откриле дека тој ќе ги предводи „воините“ дополнителни две сезони и за тоа ќе добие 35 милиони американски долари, што и не е изненадување за тренерот кој донесе четири титули за оваа франшиза.

Со објавената сума, Кер ќе ја надмине платата на досегашниот рекордер Ерик Сполстра, а ќе заработува нешто помалку од Грег Попович, кој сепак извршува и дополнителна функција во Сан Антонио.

Кер неодамна стигна до 500-та победа како НБА тренер, а паралелно е и американски селектор и ќе го води новиот „Дрим тим“ на Олимписките игри во Париз.

На клупата на Голден Стејт има ефект 501-264, а неговиот тим оствари рекордни 73 победи во сезоната 2015/16.