Поврзете се со нас

Репрезентација

РФМ потврди премии за националните селекции: Репрезентативките и репрезентативците ќе го добијат заслуженото

Објавено

на

blank

Ракометната федерација на Македонија ја информираше јавноста дека на последниот состанок донела одлука за одредување на парични награди за сениорските репрезентации во женска и машка конкуренција.

Така,  според првата одлука, сениорската женска репрезентација ќе добие премија од 10.000 евра за остварениот максимален учинок од три победи на квалификацискиот турнир со кој обезбедија бараж средба за пласман на Светското првенство во Шпанија во 2021 година.

Доколку репрезентативките ја поминат Романија во баражот и се пласираат на Мундијалот ќе поделат уште дополнителни 40.000 евра како награда од РФМ.

Втората одлука на федерацијата се однесуваше на паричната награда за сениорската машка репрезентација предводена од Кире Лазаров. Доколку Македонија се пласира на првото место во квалификациската група репрезентативците ќе добијат 40.000 евра.

Доколку Македонија заврши како второпласирана во групата со освоени десет бода, паричната награда ќе биде 30.000 евра, а доколку се пласира на втората позиција со помалку од десет бда, паричната награда ќе биде 20.000 евра.

Ракометната федерација на Македонија продолжува со солидни премии да ги стимулира репрезентативците кои се борат за пласман на големите ракометни натпреварувања.

Реклама
Реклама
Реклама

Популарни