„Професионалност на ниво“: Џака стоеше во место и гледаше како Косово израмнува против Швајцарија (Видео)

Гранит Џака е долгогодишен член на швајцарската фудбалска репрезентација и беше дел од сите големи успеси на националниот тим во изминатата деценија, па поради тоа доби заслуга да ја носи и капитенската лента.

Сепак, лидерот на Швајцарците во последно време е на удар во јавноста во оваа земја поради отворениот конфликт кој го води со селекторот Јакин, а во прилог не му оди и неговата постапка на последниот квалификациски меч.

Доскорешниот играч на Арсенал е Швајцарец кој има албански корени поради потекло од Косово, па сега се чини дека не форсираше премногу за да спречи израмнувачки гол на оваа репрезентација во квалификациите за Европско првенство.

Швајцарија имаше водство од 1:2 длабоко во судиското продолжение, но тогаш Муричи израмни на 2:2 и донесе голема радост на трибините во Приштина.

На видеото може да се забележи како Гранит Џака се откажува од чување на противничките играчи и е само гледач плус надвор од шеснаесетникот, а овој негов „професионален“ однос наиде на жестоки критики во Швајцарија, но и во соседна Србија каде од поодамна имаат добри причини да не го сакаат играчот за врска.

Just look at how Granit Xhaka doesn't move from his seat, he stays and makes sure that Kosovo scores the equalizing goal against Switzerland

BRAVOOOO Granit Xhakaa pic.twitter.com/xY8GqnZlqF

— Klaudio Ndreca (@klaudiondreca7) September 10, 2023