Нови проблеми за Баерн: Де Лихт се повреди, може да биде во „аут“ до крајот на годинава

Баерн Минхен вчера доживеа шокантен пораз и елиминација од третолигашот Сарбрикен (2-1) во Купот на Германија, но тоа не беше единствената лоша вест за бундеслигашот од оваа пресметка.

Поради повреда уште во раната фаза играта мораше да ја напушти дефанзивецот Матијс Де Лихт. Се работеше за проблем со коленото и првите информации кои доаѓаат од Германија се дека Холанѓанецот најверојатно ќе биде во аут до крајот на годината.

Според „Билд“ тој ќе отсуствува од 4 до 6 недели што значи во најдобар случај би можел да се врати на почетокот на декември, меѓутоа прашање е дали Баерн би ризикувал со него со оглед на тоа што 19 декември има натпревари и потоа следи пауза.

Се ќе зависи од процесот на закрепкување, меѓутоа јасно е дека Де Лихт оди на принидна пауза и тоа е нов хендикеп, проблем за тренерот Томас Тухел.