Лацио не го крие незадоволството од усвоениот медицински протокол за Серија А

Серија А го прифати ригорозниот медицински протокол според кој секоја екипа ќе заврши во 15-дневен карантин ако само еден од фудбалерите или членовите на стручниот штаб има позитивен тест на коронавирусот, а таквото решение експресно беше критикувано од Лацио.

Екипата која се бори за шампионската титула го презентираше својот став преку предводникот на медицинскиот тим, Иво Пулчини.

– Ставањето на цел тим во карантин поради еден случај е навистина смешно.

– Научната комисија не сакаше да ги слушне ставовите на експертите од спортската медицина. Ако имаме позитивен тест, го ставаме тој член во карантин и ги тестираме другите. Зошто да ги третираме другите дека се болни, дали сме луди?

Италијанските клубови посакуваа протокол како во Бундеслигата, но дури и во Германија одлуката за соочување со позитивен тест е оставена на локалните здравствени тела што беше докажано и со второлигашот Динамо Дрезден кој е во карантин со целиот прв тим.