Хуркач ја доби драмата во финалето во Шангај, нервозниот Рубљов си зададе удари со рекетот (Видео)

Големото финале на Мастерсот во Шангај донесе тесен и неизвесен дуел до самата завршница, а најправедно, победникот беше решаван во тајбрејк на третиот сет.

Хуберт Хуркач и Андреј Рубљов освоија по еден сет со идентични 6:3 и го однесоа финалето во драматична завршница, во која на крајот подобро се снајде Полјакот за втората Мастерс 1000 титула во кариерата.

По триумфот во Мајами пред две години, Хуркач денеска имаше повеќе нерви и во финалето во Шангај, бидејќи во тајбрејкот ја искористи четвртата меч топка и славеше со 10:8.

Рубљов најголемата шанса ја пропушти при 6:5 кога не реализираше меч топка, па поради болниот начин на кој го загуби мечот, се казни себеси и и зададе неколку удари со рекетот во ногата.

Русинот не го криеше бесот, но брзо се прибра и потоа како голем џентлмен се поздрави со Хуркач на мрежата.

Miami 2021 🇺🇸
Shanghai 2023 🇨🇳

The moment @HubertHurkacz became a TWO TIME Masters 1000 Champion after beating Rublev in the #RolexShanghaiMasters Final! 🏆 pic.twitter.com/CasOpGXKRU

— Tennis TV (@TennisTV) October 15, 2023