ФМП Академија настрада на гостувањето во Израел

ФМП Академија имаше цело патешестви до Израел за да одигра меч во БИБЛ лигата, а оттаму сега ќе се врати со тежок пораз во висина од 42 разлика.

Галил Елијон се покажа како негостопримлив домаќин и триумфираше со убедливи 107:65, победа која беше најавена уште во воведните две четвртини.

Во првото полувреме, домаќините од Израел стигнаа до предност од 57:26, по што стана јасно дека трите бода остануваа во Израел и истите се невозможна мисија за македонскиот преставник.

Лоша беше и третата четвртина која нашиот тим ја загуби со 25:16, а за комплетирање на црниот ден, ФМП минимално ја загуби и последната четвтина со 25:23.

Галил е неприконсновен лидер до пет од пет во групата А во БИБЛ лигата, додека ФМП Академија го претрпе и вториот пораз на вториот меч.