Ѕвезда на Борусија: Загубената титула ми падна потешко од веста дека имам рак

Борусија Дортмунд минатата сезона беше на победа до освојување на титулата во Бундеслигата, но во последното коло одигра само нерешено против Мајнц и му овозможи на Баерн Минхен да ја збогати својата колекција на трофеи.

Напаѓачот Себастијан Алер претходно доживеа тешки моменти бидејќи паузираше поради дијагностицираниот рак на тестиси, но вели дека губењето на титулата го доживеал потешко од борбата со опасната болест.

На решавачкиот натпревар тој не реализираше пенал и имаше една голема шанса, па очекувано емотивно го доживеал неуспехот.

– Тој ден ми беше потежок од денот кога ми го открија ракот.

– Ако сте болни, не можете ништо да промените, мора да го прифатите фактот и да поминете низ се што е потребно.

– Од друга страна, ние ја имавме титулата во раце, можевме да влијаеме на конечниот епилог. Во ваква ситуација мора да прифатите дека веројатно некаде сте погрешиле, – вели Алер.