Тери за ѕвездата која го замени Челси со Јунајтед: Приказната има две страни

Џон Тери се врати во Челси за да работи во Академијата на клубот и будно ги следи сите случувања и во првиот тим, во кој ова лето видовме безброј промени и многу нови фудбалери.

Лондонскиот клуб беше убедливо најактивен на трансфер пазарот, но не само кога се во прашање ангажманите, туку и кога станува збор за заминувањата.

Десетина големи имиња го напуштија „Стемфорд Бриџ“ ова лето, а еден од нив беше и детето на клубот, Мејсон Маунт. Маунт направи директен трансфер во ривалот Манчестер Јунајтед, а бидејќи тоа револтираше голем број фудбалски фанови на Челси, легендата сега побара да се гледа пошироката слика.

Тери потенцира дека Мејсон не е единствениот виновник за неговото заминување од клубот, бидејќи фановите не ја знаат другата страна која сепак тој не сакаше да ја открива.

– Мејсон е вистински човек на Челси и тоа никој не смее да го доведе во прашање. Кога се расипува една приказна секогаш има две страни, а јас ја знам и другата страна од приказната. Нема да откривам за што се работи јавно, но ве замолувам да не бидеме премногу остри и нападни кон него кога ќе се врати на „Стемфорд Бриџ“ со друг дрес, – вели Тери.