Тепачка во НБА лигата: Мичел и Брукс влегоа во жесток судир, па двајцата предвреме беа испратени на туширање (ВИДЕО)

Веќе некое време нема жестоки судири, тепачки во НБА лигата како во минатото, но одвреме-навреме знае да има конфликти, препирки кои знаат да донесат тензија, нервоза, но и казни за инволвираните актери.

Рано утрово Кливленд Кавалирс беше подобар од Мемфис Гризлис, но победата на домаќините остана во сенка на конфлитот кој го имаа Донован Мичел и Дилон Брукс. Брукс имаше еден дополнителен потег при еден влез, удар со кој го закачи Мичел по препоните што не му допадна на домашната ѕвезда кој ја фрли топката кон противникот по што настана вистински хаос на теренот.

На крајот ситуацијата заврши со нивно исклучување, а многу веројатно ќе заработат и дополнителни казни од НБА.

Spida and Dillon Brooks get CHIPPY 😳 pic.twitter.com/jGhYHa8VAS

— Bleacher Report (@BleacherReport) February 3, 2023