Сане се преиспита после глупоста која ја режираше, Нагелсман го опомена: Треба да биде попаметен (Фото)

Германија го запиша шестиот пораз во 2023-та година и го повтори „црниот рекорд“ со шест неуспеси во една календарска година, што доволно говори во колку лоша состојба е тимот кој неодамна го презема Јулијан Нагелсман.

По возбудливиот старт, следеа два порази во изминатите неколку дена, а горчината ќе биде уште потешка за поднесување бидејќи поправки за грешките ќе има дури во месец март 2024-та година за кога е закажан следниот репрезентативен прозорец.

Поразот од Турција на домашен терен беше најава на она што вчера се случи во Виена, каде Германците беа поразени со 2:0 во натпревар кој мораа да го доигруваат со човек помалку на теренот.

Лерој Сане заработи директен црвен картон за непромислен и нервозен потег, а откако сфатил што направил, фудбалерот на Баер Минхен им се извинувал на соиграчите во соблекувалната.

– Вечер за заборав во Виена. Им се извинив на соиграчите во соблекувалната за акцијата која ја имав. И покрај сите мои емоции и амбиции, ова не може да ми се случи, особено не со оглед на нашата моментална ситуација. Им се извинувам и на нашите фанови, имаме многу работа за да ја направиме 2024 година успешна за нас, – порача Сане, а се огласи и селекторот Нагелсман.

– Лерој зборуваше со тимот во соблекувалната и се извиини за тоа што го направи. Сметам дека е правилно тоа што го направи со соиграчите, но не го оправдувам неговото однесување на теренот. Ја загуби контролата и тоа не смее да се случи. Требаше да биде попаметен и да изнуди црвен картон за ривалот, а не за себе, – изјави Нагелсман.

Ein Abend zum Vergessen in Wien. Ich habe mich für die Aktion bei meinen Mannschaftskollegen in der Kabine entschuldigt. Das darf mir bei aller Emotion und bei allem Ehrgeiz nicht passieren, gerade in unserer aktuellen Situation. Ein großes Sorry auch an unsere Fans. Wir haben…

— Leroy Sané (@leroy_sane) November 21, 2023