Пирло нема да смета на важен фудбалер најмалку три недели

Проблемите со повреди на Јувентус продолжуваат и по разочарувачката елиминација во Лигата на шампионите, а сега на листата недостапни фудбалери е и Мерих Демирал.

Дефанзивецот кој со направениот пенал му обезбеди важен гол на Порто во Торино, во финишот на истиот натпревар заработил и повреда.

Демирал денеска бил на прегледи, по што било утврдено дека има полесна мускулна повреда и таа бара мирување од барем три недели.

Тоа значи дека Андреа Пирло останува без овој фудбалер за следните неколку средби, а би требало во составот да бидат Де Лихт, Бонучи и Кјелини.

Јувентус продолжува со настапи во густиот распоред, па по дуелот со Кајлари викендов, на 17. март го игра заостанатиот дуел со Наполи, за потоа да следува викенд пресметката со Беневенто.