Фердинанд директен: Ако Арсенал…

Арсенал денеска му гостува на Манчестер Јунајтед во меч во кој едноставно мора да го добие ако сака да се надева на освојување на титулата во Премиер лигата.

„Топчиите“ се во залет, „црвените ѓаволи“ пак си имаат свои проблеми и повеќе од јасно е зошто Арсенал ќе влезе како фаворит на „Олд Трафорд“.

Меѓутоа избраниците на Микел Артета ќе мора тоа го потврдат на теренот, а според Рио Фердинанд ако тоа не го неправат едноставно не заслужуваат да бидат шампиони.

-Мислам дека ако Арсенал загуби од Манчестер Јунајтед на овој натпревар, тие не заслужуваат да бидат шампиони. Со соочувате со тим кој е исцрпен и нема самодоверба, речиси нема за ништо да игра во лигата и тоа се тимовите против кои сакате да играте во оваа трка.

-Ако имате седум-осум натпревари до крајот на сезоната, размислувате само да играте против тим кој нема за што да игра, може да има неколку повреди и веќе резервира одмор на плажа. Јунајтед е во таа група, тргнете го на страна финалето на Купот, -вели Рио кој даде свое предвидување за битката за трофејот.

-Моите последни размислувања за ова, мислам дека Арсенал ќе слави на секој натпревар до крајот на сезоната. За жал на Арсенал, Пеп Гвардиола и Манчестер Сити ќе победат на секој натпревар и ќе ја освојат лигата, -заклучи легендарниот англиски ас.