Перуанците се одбранија од бразилските ѕвезди во нападот, но немаа решение за Маркињос (Видео)

Бразил ја запиша и втората победа во второто квалификациско коло за Светското првенство, но до неа дојде многу потешко од очекувањата и со вложен голем труд на гостувањето кај Перу.

Перуанците секогаш важат за незгодни домаќини и рано утрово беа многу блиску до нов бод во групната фаза во Јужна Америка, но иако успеаја да се одбранат од налетите на Нејмар и останатите напаѓачи, сепак не успеаја да го сопрат Маркињос.

Капитенот на ПСЖ ја искористи извонрендата конекција со Нејмар и успеа да погоди по воиграниот корнер со својот соиграч, а тоа беше доволно за слатка победа на тешкото гостување.

Стоперот беше највисок во скокот на првата статива и успеа да го матира противничкиот голман во 90-та минута, што не им остави време на Перуанците да реагираат.

Претходно, Бразил оствари убедлива победа над Боливија со 5:1 и тоа е доволно „кариоките“ да бидат на првото место со шест бода, исто колку што има и Аргентина.