Мертенс стави крај на надежите на Челси дека може да го ангажира и најави каде сака да игра

Искусниот фудбалер на Наполи, Дрис Мертенс се поврзуваше со трансфер во редовите на Челси ова лето.

33 годишниот фудбалер ќе  е слободен агент по крајот на сезоната и се веруваше дека Челси ќе ги добие неговите услуги.

Ваквите шпекулации ги подгреа и потегот на Френк Лампард кој го заследи белгискиот фудбалер на социјалната мрежа Инстаграм.

Сепак, сега самиот фудбалер изрази подготвеност да остане во Серија А, па сега голема е веројатноста тој да остане во Неапол.

– Среќен сум во Наполи и сакам да останам во Италија. Навистина ја сакам Италија. Добро ми е овде и добро се однесуваат кон мене.

– Да, имаше интерес од Челси, но и од други клубови, но во мојата глава си зацртав една цел и никогаш немав намера да ја напуштам лигата или да менувам клубови. Оваа сезона беше навистина добра, ќе се обидам следната да биде уште подобра.