Ѕвездите на Баерн бираа пензиониран фудбалер со кој би сакале да играат, одговорот на Де Лихт стана вирален (Видео)

Матијс Де Лихт не може да биде задоволен од минутажата на стартот на новата сезона и досега не одигра ниту еден целосен натпревар, бидејќи засега предност кај Томас Тухел имаат Ким и Упамекано.

Холанѓанецот е во Минхен веќе една година и се уште не обезбеди статус на сигурен стартер, па ваквите проблеми очигледно прават да биде доста конфузен и кога треба да одговори на едноставно прашање.

Баерн им направи мини анкета на своите фудбалери и ја проследи истата преку социјалните мрежи, а истата стана вирална токму поради „фејл“ одговорот кој го даде Де Лихт.

Ѕвездите од првиот тим имаа за задача да изберат пензиониран фудбалер со кој би сакале да играат на теренот, па додека најмногу се одлучија за Роналдињо, Зидан и Бекенбауер, одговорот на Де Лихт не остави никого рамнодушен.

Стоперот го спомена името на Лионел Меси, кој во овој момент се уште не размислува за пензија и веќе два месеци е ѕвезда број еден во фудбалска Америка.

Bayern Munich players were asked which retired player they would like to have played with

De Ligt's answer 💀pic.twitter.com/9rdCRA4GYk

— Troll Football Media (@Troll__Footbal) September 28, 2023