Директорот на Баерн бесен: Ова е неприфатливо, разочарувањето е големо…

Баерн Минхен се „лизна“ во Купот на Германија и тоа во соочувањето со третолигашот Сарбрикен кој со погодок длабоко во судиското продолжение славеше со 2-1.

Овој резултат беше вистински шок за „баварците“, огромно разочарување со оглед на разликата во квалитет, знаење, па директорот Кристоф Фројнд испрати жестоки критики кон играчите, но и кон тренерот Томас Тухел.

-Ова е едноставно неприфатливо, не разбирам како можеш да одиграш толку лошо прво полувреме. Без храброст, без брзина, агресивност – без тоа не можеш да се натпреваруваш со било кој противник. Разочарувањето е големо, -истакна Фројнд.

Следно за баварците е дербито со Борусија Дортмунд на „Сигнал Идуна Парк“, а до репрезентативната пауза имаат средби уште со Галатасарај и Хајнденхајм.