Тухел потврди, Баерн остана без важен играч кој се повреди на куп натпреварот

Баерн Минхен немаше големи проблеми да обезбеди сигурна победа против Минстер во германскиот куп, но Томас Тухел остана без важен фудбалер на подолг период.

Серж Гнабри заработил фрактура на раката и мора да оди на операција, што јасно навестува принудна пауза.

Тухел признал дека германскиот репрезентативец треба да оди на оперативен зафат уште денеска во Минхен, а очекувањата се дека нема да може да му помогне на својот тим најмалку еден месец.

Гнабри се повреди уште во 4. минута по судир со противничкиот голман, па иако судијата не досуди пенал, фудбалерот на Баерн го извлече подебелиот крај од овој дуел.

– Ова е навистина лоша вест. Тој е одличен фудбалер и супер карактер во соблекувалната, – изјавил Тухел.