Шок за Бруклин: Ирвинг побарал итна размена

Бруклин Нетс долго го толерираше Кајри Ирвинг поради неговите специфични потези и одлуки, а сега НБА ѕвездата изненадувачки побарала трејд до крајот на актуелниот преоден рок.

Ексклузивната информација на американските новинари е вистински шок за фановите на оваа франшиза, а останува да се види какво решение ќе биде донесено наредниве денови.

Ирвинг и пред оваа сезона размислуваше за ваков потег, но остана да ја одработи последната сезона, но сега сака да си оди во одлучувачката третина од регуларниот дел од сезоната.

Бруклин има ефект 31-20 и се најде во лоша серија по повредата на Кевин Дурент, додека Ирвинг сезонава има просек од 27,1 поени, 5,3 асистенции и 5,1 скок.

Ирвинг сезонава беше суспендиран на осум натпревари поради антисемитски испад на социјалните мрежи, а претходно не играше долго поради одбивањето да прими ковид вакцина.