Ришарлисон не го крие разочарувањето од Конте: Не знам зошто бев резерва

Статусот на Антонио Конте во Тотенхем се промени за краток период, а незадоволството кај фановите кулмнираше со безидејниот настап во осминафиналето на Лигата на шампионите.

Италијанецот е пред отказ, а „поздрав“ доби и од бразилскиот репрезентативец Ришарлисон.

Веднаш по вчерашниот дуел со Милан, Ришарлисон не го криел незадоволството од одлуките на менаџерот.

– За мене оваа сезона е ср..е бидејќи не добивам доволно минутажа.

– Бев повреден, но се вратив и давам максимум на теренот. Имав два добри натпревари и Конте повторно ме остави на клупата.

– Вчера ме тестираше во првиот тим, а денеска повторно бев резерва, – изјавил Ришарлисон.