Навивач на Њукасл бил прободен и завршил во болница во Милано

Навивач на Њукасл завршил во болница откако заработил неколку рани по напад со нож во Милано.

Њукасл вечерва ја отвора сезоната во Лигата на шампионите на гостувањето кај Милан, а англиските медиуми денеска информираат за инцидентот кој се случил во централното подрачје на италијанскиот град.

Се работи за 58-годишен навивач кој би пресретнат од поголема група, која го нападнала со ножеви и го испратила во болница.

Англискиот фан имал среќа бидејќи полицијата реагирала брзо и помогнала тој експресно да биде транспортиран во болница, каде добил соодветен третман.

Италијанските медиуми тврдат дека не се работи за класичен хулигански напад подготвен од фановите на противничката екипа, туку за класичен криминален чин на лица кои се обиделе да извршат кражба.