Поврзете се со нас

Македонија

Вардар и Алкалоид реагираа џентлменски, РФМ ги премести термините на полуфиналните куп дуели

Објавено

на

foto:www.facebook.com/hceurofarmpelister

Реакциите на Еурофарм Пелистер во однос на одредените термини за полуфиналните Куп мечеви од страна на Ракометната федерација на Македонија, на крајот донесоа џентлменски потег од ривалите, па битолскиот состав го доби она што го бараше.

Пелистерци реагираа затоа што требаше да го играат своето полуфинале во петок, па за полесно разрешување на проблемот реагираа ривалите Вардар и Алкалоид, кои се сложија да го отстапат терминот во четврток за полуфиналето во кое Еурофарм ќе се сретне со Тиквеш.

РФМ денеска официјално направи промена на термините, по што веќе и официјално и конечно, Вардар и Алкалоид ќе се соочат во петок, додека финалето останува на програмата во недела.

– Натпреварувачката комисија при РФМ постапувајќи по доставените дописи од страна на РК Вардар 1961 и РК Алкалоид се согласија до го отстапат предвидениот термин четврток за одигрување на полуфиналниот натпревар од Ракометниот Куп на Македонија 2024, на инсистирање на РК Е. Пелистер. Допис за промена на терминот има доставено и од ГРК Тиквеш 2014.

– Спортското витештво се демонстрира на терен, а се гради вон терен, нека победи подобриот, – стои во соопштението на РФМ, со кое е потврдена промената.

Натпреварите ќе се играат од 19:30 часот, во салата во СЦ „Борис Трајковски“ во Скопје.

Реклама
Реклама
Реклама

Популарни