Манчестер Јунајтед повторно планира шопинг во Ајакс

Манчестер Јунајтед инвестираше сериозна сума пари во неколку засилувања од Ајакс, но иако фановите посебно се разочарани од играч како Антони, менаџерот Ерик тен Хаг планира нов шопинг во холандскиот клуб.

Поранешниот тренер на Ајакс сега сака да го доведе талентираниот Брајан Броби, кој се истакна со својот квалитет во редовите на холандскиот великан, а би можел да биде едно од првите засилувања во ерата на новиот косопственик Џим Ретклиф.

Тен Хаг сака да го добие Броби уште во овој преоден рок, а за фудбалерот тоа би бил нов обид да се докаже надвор од својата земја, откако имаше кратка неуспешна епизода во РБ Лајпциг.

Германскиот новинар Флоријан Плетенберг тврди дека и самиот Броби посакува да соработува со Тен Хаг и се надева на вакво сценарио, додека Ајакс ќе може да заработи солидна сума за играчот чиј договор истекува во 2027 година.

Броби има 101 настап во дресот на Ајакс, постигнал 40 голови и има 11 асистенции.

🆕🔴 News #Brobbey: Understand that Ten Hag has the idea to sign Brobbey in winter!

➡️ Brobbey and ManUtd, it was a hot topic last summer. The contact never broke off
➡️ Both have a high appreciation for each other.

At the latest in the next summer window, a transfer will be… pic.twitter.com/1TraZGnsoy

— Florian Plettenberg (@Plettigoal) January 20, 2024