Канатларовски го соопшти списокот на повикани фудбалери за соочувањата со Грузија и Австрија

Предводникот на младата македонска фудбалска репрезентација, Драги Канатларовски го соопшти списокот на повикани фудбалери за мечевите против Грузија и Австрија кои се на програмата на 16 и 21 ноември.

Првата средба против Грузијците е квалификациска за пласман на Европското првенство во 2025 година и истата ќе ја играме на домашен терен, додека потоа ќе им гостуваме на Австријците во пријателско соочување.

Неколку играчи му се недостапни на Канатларовски, па тој повика три нови имиња, освежувања и тоа Димитриј Поповски, Ардијан Цилафи и Фисник Исаки.

-Не очекува еден исклучително тешок натпревар против репрезентацијата на Грузија и мораме да одиграме квалитетно и концентрирано во текот на сите 90 минути.

-Се работи за една квалитетна и цврста репрезентација. Во октомврискиот циклус имавме еден неочекуван пораз од Молдавија.На овај натпревар одиме на победа и да останеме во игра за тоа второ место во групата.

-Се соочуваме со одредени проблеми во играчкиот кадар, особено ослабнати сме со отуството на Бехар Фета поради повреда. Андреј Стојчевски ќе недостасува поради картони, а Марио Ричков е уште еден фудбалер кој нема да биде во можност да се стави на располагање поради повреда, Имаме тројца нови играчи Димитриј Поповски,Ардијан Цилафи,Фисник Исаки. Верувам дека ќе донесат добра енергија и квалитет во тимот. 

-Имаме и втор натпревар со Австрија каде одиме да се надигруваме и да им дадеме шанса на оние кој имале помала минутажа во текот на квалификациите, -порача Канатларовски

На списокот се наоѓаат следните фудбалери:

ГОЛМАНИ:

Марко Алчевски – А.П. Брера

Стефан Митрев – Кожуф

Иван Николоски – Победа

ОДБРАНА:

Димитриј Поповски – Силекс

Стефан Деспотовски – Работнички

Решат Рамадани – Динамо Киев

Имран Фетаи – Тиквеш

Андреј Стојчевски – Жилина

Виктор Крстевски – Гостивар

СРЕДЕН РЕД:

Иван Николов – Сондеријске

Ардијан Цилафи – Сампдорија

Хамза Рамани – Шкупи

Лука Станковски – Газиантеп

Алекс Златков – Шкупи

Димитар Тодоровски – Работнички

Матеј Ангелов – Работнички

Ване Крстевски – А.П. Брера

Берат Калкан – Каршијака

Фисник Исака – Б93

Методи Максимов – Шкендија

Христијан Георгиевски – Струга Трим Љум

НАПАД:

Марио Илиевски – Кишварда

Луан Абази – Шкупи

Димитар Трајков – А.П. Брера