Поранешен шведски репрезентативец загина возејќи велосипед

Поранешниот шведски ракометен репрезентативец, Фредрик Ларсон, го загубил животот во сообраќајна несреќа, потврдија денеска од Шведската ракометна федерација.

Ларсон имаше 36 години, а загинал додека возел велосипед и на него налетал камион, при што лекарите не можеле да сторат ништо за екс ракометарот кој има две деца.

Ларсон настапуваше за Ховде, Иштад, Хамарби, шпански Арагон, Савехоф и германски Гимерзбах, а кариерата ја заврши во својата земја, во екипата на Алингсас.

Имаше 36 настапи и 52 голови за шведската репрезентација и настапуваше за својот национален тим на Европското првенство во 2010 и Светското првенство во 2011 година.