Идната ѕвезда на Реал израмни ефект на Нејмар

Реал Мадрид наредните години ќе биде посилен за големиот бразилски талент Ендрик, а тој продолжува да го потврдува својот потенцијал во домашното првенство.

Како член на Палмеираш, Ендрик постигнал гол и во последната победа во бразилската Серија А, што за него е десетти погодок сезонава.

Истовремено, 17-годишната идна ѕвезда на Реал израмни ефект кој последен пат го имаше Нејмар.

Последен 17-годишен фудбалер кој имал барем 10 гола во една сезона во првенството е Нејмар и тоа во веќе далечната 2009 година, па не е изненадување што Ендрик веќе доби повик и во националниот тим.

Реал Мадрид плати речиси 40 милиони евра и очекува многу од Бразилецот.