Атлетико го презема второто место, Симеоне ги „поздрави“ критичарите на неговиот тим

Убедливата победа над Кадиз значеше искачување на Атлетико Мадрид на второто место на табелата во Ла Лига, а тренерот Диего Симеоне ја искористил шансата да потсети на критиките кои тој и неговиот тим ги добивале пред мундијалот.

Шпанските медиуми тврдеа дека Симеоне веќе нема свежи идеи и Атлетико не може да напредува, но добрата серија изминатиот период донесе одлична позиција зад лидерот Барселона.

– Не знам што ќе се случува до крајот, но вреди да потсетиме дека многумина ја загубија вербата во нас.

– Постоеја многу луѓе кои не ни веруваа, но јас знам што правам. Работите во фудбалот се менуваат брзо и нема потреба да се зборува толку рано. Фудбалот е тоа што ќе го остварите на крајот на сезоната, а не на почетокот, – истакнал Симеоне.

На пет кола до крајот, Атлетико има бод предност во однос на градскиот ривал Реал Мадрид, кој беше истиснат на третата позиција.