Томовски: Променивме некои работи, оваа победа е од големо значење

Специјален известувач за „Дерби“ од Берлин, Ристе Влахов

Македонија ги заборави неуспесите против Франција и Германија и со квалитетно издание дојде до триумф над Швајцарија (29:27) во последната средба на Европското првенство.

Победнички крај на шампионатот: Македонија заигра на највисоко ниво и ја реши Швајцарија

За разлика од претходните наши средби во Диселдорф и Берлин, вечерва функциониравме на далеку подобро ниво, а една од главните причини дефинитивно беше голманот Мартин Томовски кој имаше свој ден со 12 одбрани.

-Чувството е прекрасно. Како тим, колектив собравме сила, променивме некои работи, бевме поефикасни во нападот, одбраната беше на ниво. Честитки до колегите за оваа победа која е од големо значење по поразите од Франција и Германија, се издигнавме и покажавме нешто поразлично.

-Имаше тешко периоди и добри моменти, ама најважно е кога оди да останеме скромни. Кога е пак тешко да најдеме начин за да справиме од таа криза. Верувам дека кој и да беше од нас (Митревски, Кизиќ) ќе ја завршеше работата, ние сме еден посебен тим на различна позиција, -рече Томовски.

„Црвено-жолтите“ го завршија шампионатот како третопласирани во групата А зад фаворизираните Германија и Франција.

Лазаревски по триумфот над Швајцарија: Треба да имаме верба во оваа репрезентација