Јамал го потисна Бабајаро и постави нов рекорд во Лигата на шампионите

Супер талентот на Барселона, Ламине Јамал, вечерва постави нов рекорд во фудбалската Лига на шампиони.

Со вечерашниот избор на тренерот Чави и фактот што Јамал беше во стартниот состав на Барса на гостувањето кај Порто, 16-годишниот фудбалер стана најмладиот стартер во историјата на најелитното европско натпреварување.

Јамал вечерва беше стартер со 16 години и 83 дена, со што го собори досегашниот рекорд на Селестин Бабајаро.

Нигериецот во ноември 1994 година беше стартер со 16 години и 86 дена и тоа во дресот на Андерлехт.

Lamine Yamal sets a new UEFA Champions League record as the youngest starter in the history of the competition…#UCL | @FCBarcelona pic.twitter.com/5J62TvUZMz

— Opta Analyst (@OptaAnalyst) October 4, 2023