Поврзете се со нас

Англија

Клоп: Можевме да освоиме повеќе титули, но…

Објавено

на

Foto:twitter.com/LFC

Јирген Клоп во недела ќе го има „последниот танц“ на кормилото на Ливерпул, тим со кој ќе се збогува на „Енфилд Роуд“ во дуелот со Вулверхемптон.

Сигурно ќе има доста емоции со оглед на тоа што Германецот остави голема трага со своето присуство, успесите, титулите. Низ целиот негов мандат, престој клубот беше компетитивен, се бореше за трофеи, а на крајот билансот е осум голем трофеи кои беа освоени на домашната сцена, европските натпреварувања и светското клупско првенство.

-Се е во ред со мене. Знам дека можевме да освоиме повеќе, но не можам тоа да го променам. Можевме да триумфираме и помалку. Да не се биде шампион со бод не е големо искуство, но тоа е искуство. Не можев да направам ништо поинаку во овие моменти. Кога не даваме гол против Сити кога топката не беше преку линијата, а потоа Агуеро постигнува гол против Барнли кога е веднаш над линијата. Тоа не е моја вина.

-Можевме да освоиме повеќе Лиги на шампиони. Да се биде во три финалиња е извонредно достигнување. Има големи шанси да го загубиш финалето, тоа е така. Реал Мадрид, тие секогаш наоѓаат начин да го освојат. Се обидовме повторно. Не би бил среќен ако мислев дека можам да направам повеќе. Не можев повеќе. Можеше ли некој друг да направи подобро? Евентуално. Но, не јас и добро ми е со тоа. Тоа ќе биде оценето од луѓето и повеќето се во ред со тоа, -порача Клоп.

Реклама
Реклама
Реклама

Популарни