Картоните направија проблем: Јувентус и Атланта ќе играат без еден клучен играч во финалето на Купот

Аталанта вчера ја победи Фиорентина и закажа финална пресметка против Јувентус во Купот, натпревар кој ќе се одигра на 15-ти мај на „Олимпико“ стадионот во Рим.

Ова ќе биде добра шанса за двата тима да ја завршат сезоната со трофеј и да ги израдуваат своите фанови, но за разлика од Јувентус, Аталанта ќе може да направи нешто слично и во Лигата на Европа каде влезе во полуфиналето.

Тимот на Гасперини игра извонредно добро во финишот од сезоната и се бори на три фронта, но во финалето против Јувентус нема да смета на својот најдобар играч во последно време.

Џанлука Скамака вчера постигна ремек-дело со кое го реши прашањето околу патникот на завршниот меч, но за врема на средбата доби и жолт картон, поради кој самиот се „прецрта“ за клучниот меч против Јувентус.

Идентична ситуација има и во противничкиот табор, па така Макс Алегри нема да може да смета на Мануел Локатели кој беше во опасност, а кој доби жолт картон во полуфиналето со Лацио.