Воска Спорт го претстави премиерното прволигашко засилување (Фото)

Воска Спорт пред една година не успеа да се пласира во Првата македонска лига, но оваа сезона успешни измаршира во Втората лига и за првпат обезбеди место во елитата.

Клубот од Охрид е нов прволигаш во македонскиот фудбал и сигурно главна цел ќе биде да се биде надвор од опасната зона, па денеска беше претставено и првото засилување кое досега и онака играше во Првата лига.

Воска Спорт објави дека го ангажирала Фати Исмаили, фудбалер кој игра на стоперската позиција и кој преминува во Охрид од македонската престолнина.

Исмаили беше член на Работнички изминатава сезона, но од претходно е добро познат на мак-сцената и од деновите кога беше дел од шампионскиот тим на Шкупи.

Дефанзивецот е прво летно засилување за Воска Спорт за наредната сезона, во која тренер на првиот тим ќеќ биде Миљан Радовиќ.