Вардар се засили со талентиран српски репрезентативец (ФОТО)

Вардар и понатаму се обидува да ја подобри екипата, да направи конкурентен тим кој ќе може на најдобар начин да ја одбработи оваа натпреварувачката кампања која е прва за „црвено-црните“ по двете години минати во втората лига.

Најново име во редовите на скопскиот прволигаш е талентираниот Михајло Милосавиќ. Се работи за актуелен репрезентативец на Србија во селекцијата до 19 години кој во Вардар доаѓа од редовите на ТСЦ Бачка Топола.

Тој претходно бил дел од младинските категории на најголемите српски клубови Војводина, Партизан и Црвена Звезда што доволно говори дека поседува квалитет кој сега ќе има можност да го потврди, покаже на нашите терени.