Боречки спортови
Три високи пласмани за каратистите на „Макпетрол“ на „Пореч 2023“
Витомир Трајковски е петтопласиран, а Стефан Стојановиќ и Викторија Јовановска освоија седмо место на силниот меѓународен турнир „Пореч 2023“ во Хрватска што е дел од светската младинска премиер карате-лига.
Овие три спортисти беа дел од вкупно шест претставници на скопскиот клуб „Макпетрол“ кои викендов настапија на интернационалниот собир каде што беа пријавени 3.193 учесници од 72 држави.
– Со учеството на ова најмасовно првенство за нас најважно е што ја започнавме периодизацијата за следното Европско првенство што ќе се одржи во февруари 2024. Квалитетот на учесниците и масовноста ја става оваа светска младинска лига како највисоко рангирано првенство од Светската карате федерација (WKF), а тоа се потврди и годинава – истакнаа од карате-клубот „Макпетрол“.
Најблизу до медал беше актуелниот светски вицешампион Витомир Трајковски. Во елиминацискиот дел тој имаше четири последователни победи. Во петтото коло за влез во финалето, тој загуби од Мелос Гаши од Косово, додека во борбата за бронзениот медал беше поразен од украинскиот репрезентативец Максим Бухајов.
Задоволителни борби и спортска форма прикажаа и Стефан Стојановиќ и Викторија Јовановска. Тие добија шанса да се изборат со репасажните борби за бронзените медали, но беа поразени со минимална бодовна разлика.
-
НБАпред 22 часа
Брансон како Џордан и Леброн, познато е првото полуфинале на Истокот (ВИДЕО)
-
Шпанијапред 20 часа
Левандовски: Барселона е најголемиот клуб на светот, горд сум…
-
Англијапред 22 часа
Тен Хаг излезе со коментар за неверојатното издание на Санчо во полуфиналето во ЛШ
-
Светпред 17 часа
Гомез за „билдерот“ Озил: Не знам која е неговата цел (ФОТО)
-
Германијапред 20 часа
Алонсо: Одигравме интелегентно и зрело, ама…
-
Англијапред 23 часа
Покетино испрати загрижувачка порака за својата иднина по победата над Тотенхем
-
Италијапред 18 часа
Ултрасите нема да навиваат за Милан на мечот против Џенова
-
Англијапред 9 часа
Тен Хаг отворено ги именуваше двете ѕвезди кои не му ги донесе Јунајтед: Со еден од нив ќе игравме како Ајакс