Сити за едно полувреме ја реши Звезда, „петарда“ на Барселона, победнички старт за ПСЖ (ВИДЕО)

Фудбалерите на Манчестер Сити со победа над Црвена Звезда од 3-1 ја започнаа одбраната на титулата во Лигата на шампионите.

„Граѓаните“ доминираа на вечерашниот меч на „Итихад“ на кој испратија скоро 40 удари и сосема заслужено дојдоа до посакуваната цел иако имаа шокантен резултат на полувреме. „Црвено-белите“ успешно се бранеа и ја дочекаа својата шанса во 45 минута и тоа преку Букари кој го матираше Едерсон.

Сепак оваа негатива не донесе паника во домашните редови кои по паузата лесно ги вратија работите во своја полза, Алварез до 60 минута даде два гола за пресврт од 2-1, а во 73 минута Родри со мајсторски гол ги потврди трите бода.

Барселона пак немаше проблеми со Антверп и со 5-0 дојде до првото славје во Х групата. Феликс, Левандовски, Батаиле (автогол), Гави и повторно Феликс за втора „петка“ на каталонците во краток времски период.

ПСЖ пак во вториот дел го скрши отпорот на Борусија Дортмуд и славеше со 2-0 со головите на Мбапе и Хакими.

На другите средби Порто беше подобар од Шахтјор Доњецк со 3-1, Феенорд ги израдува своите навивачи во пресметката со Селтик (2-0), а Лацио и Атлетико Мадрид одигра без победник (1-1).